學位論文
Permanent URI for this collectionhttp://rportal.lib.ntnu.edu.tw/handle/20.500.12235/73882
Browse
1 results
Search Results
Item 古晉福建話窒音韻尾語音變異研究(2025) 吳征揚; Goh, Chen-Yang語言接觸會引起語音變異，尤其是當兩種語言的音韻系統無仝款的時，較捷發生語音的轉變（Weinreich，1953；Thomason，1988）。古晉華人社會內底大多數是客人，但是福建話煞是共通語，代表講福建話的人，大多數毋是福建話做母語的人，嘛因為客話佮福建話的音韻系統無仝款，所以筆者想欲探討無仝語言佇咧接觸的時，產生的音韻變異現象。本研究探討古晉福建話窒音韻尾的語音變異現象，主要研究問題有兩个：（1）古晉福建話窒音韻尾的語音變異情形；（2）致使這个語音變異的原因。研究採用聽辨實驗設計，收集17位古晉福建話佮8位古晉客話發音人的語料，主要分析/-k/佮/-ʔ/韻尾的聽辨情形。實驗結果：古晉福建話窒音韻尾/-k/確實有變[-ʔ]的趨勢，大約47.06%的/-k/韻尾 hőng 聽做是[-ʔ]。這種音變情形，佇少年輩閣較明顯。本研究推測造成這个音變現象的因素有：窒音韻尾/-k/佮/-ʔ/的有標性分析、古晉福建話窒音韻尾的歷時演變、古晉華語教育政策的影響、華人家庭語言的轉變、閣有古晉華人的語言態度。本研究發現/-k/有變[-ʔ]的趨勢，毋但是受著語言接觸的影響，閣佮教育制度的改變、社會環境轉變等等有關。尤其是少年人，這个音變現象較明顯，表示這个趨勢佇未來會繼續發展。建議未來的研究會當擴大範圍到其他/-p/、/-t/的窒音韻尾，抑是採用喉電圖（EGG）來分析喉窒音的特性，分析會較全面。